by 
Um síðustu helgi var haldið ljómandi skemmtilegt þorrablót á Hólmavík. Mæting var með ágætum, maturinn frá Café Riis góður að vanda, stórskemmtileg skemmtiatriði sem nefndin sá um og Halli og Þórunn sáu um fjörið á ballinu á eftir. Allt fór vel fram og gleðin var við völd. Ljósmyndari strandir.saudfjarsetur.is var á staðnum með myndavélina á meðan á skemmtiatriðum stóð en lagði hana á hilluna þegar dansinn hófst, að venju. Það eru konurnar í Strandabyggð sem sjá jafnan um þorrablótið, en nefnd karla sér um Góugleði. Góan verður haldin þann 27. febrúar næstkomandi.
Skemmtiatriði á Þorrablóti á Hólmavík 2016 – á neðstu myndinni má sjá nefndina sem sér um blótið næst – ljósm. Jón Jónsson
