by 
Þótt veðráttan hafi verið rysjótt í nóvember var haustið að mörgu leyti fallegt á Ströndum, margir blíðviðrisdagar. Meðfylgjandi myndir voru teknar á gönguleiðinni frá Kirkjubóli til Hólmavíkur einn góðan dag í október, en það tekur tvo tíma að ganga þá leið í góðu veðri. Margt bar fyrir augu, álft sem skilin hafði verið eftir þegar aðrar hurfu úr landi í haust, hrafn að skoða fuglaskoðunarhús (hann virtist vera að kroppa pappa af þakinu), logn á Tungugrafarvogum og umsvif í Skothúsvík utan við Víðidalsá. Bæjarstæði Hólmavíkur er alltaf fallegt, séð hinu megin við Skeljavíkina.
Kirkjuskerið á bæjarvíkinni við Kirkjuból
Fylgdarhamar í landi Heiðarbæjar er niðri við sjó, Grímsey og Drangsnes í baksýn
Tóftir af Naustavík í landi Heiðarbæjar, Hólmavík í baksýn
Kleifabjarg í landi Heiðarbæjar, þarna hefur umfangsmikil efnisvinnsla verið síðustu árin. Húsavíkurkleif er lengst til hægri.
Húsavík við Steingrímsfjörð
Í Tungugrafarvogum
Gámasvæði og hjallar í Skothúsvík
Hólmavík
Skeljavík við Hólmavík
Haustdagur á Ströndum – ljósm. Jón Jónsson
