Lukkupizzudagur á Café Riis á morgun

Bára Karlsdóttir veitingamaður á Café Riis varð á vegi tíðindamanns strandir.saudfjarsetur.is
skömmu eftir hádegi í dag. Aðspurð í fréttum sagði hún að það helst væri að
frétta að á morgun föstudag verði sérstakur lukkupizzudagur á Café Riis og hefst
kl. 18:00. Tíðindamann rak í vörðurnar og innti betur eftir pizzulukkunni. "Það
verður tíunda hver pizza frí maður", svaraði Bára fullum hálsi og dró upp
gerpoka úr farangrinum. "Best að fara að útbúa deigið". Tíðindamaður stóð hugsi
eftir á götunni og velti fyrir sér hvort nokkur myndi panta pizzu kl. 18:00, heldur freista
þess að koma frekar 10 mínútur yfir. En það kemur í ljós á lukkupizzudeginum á
Café Riis á Hólmavík á morgun.