Kynning á styrkjum Menningarráðs

Eins og kynnt hefur verið mun Menningarráð Vestfjarða nú í fyrsta skipti úthluta stofn- og rekstrarstyrkjum og er umsóknarfrestur um þá til 30. mars. Einnig hafa verið auglýst eftir umsóknum um hefðbundna verkefnastyrki og er frestur til að sækja um þá til 10. apríl. Aðeins verður auglýst einu sinni eftir verkefnastyrkjum á árinu 2012. Af þessu tilefni mun Menningarráð Vestfjarða standa fyrir kynningu á styrkjum ráðsins og stuttu námskeiði um umsóknagerð víða um Vestfirði á næstu dögum og á næstu dögum verða m.a. námskeið á Drangsnesi, Reykhólum og Hólmavík.

Búið er að ákveða tímasetningar á kynningum á sunnanverðum Vestfjörðum og Ströndum á næstu dögum og verða þau sem hér segir:

Malarkaffi, Drangsnesi – 11. mars kl. 17:00
Reykhólaskóla, Reykhólum – 12. mars kl. 17:00
Sjóræningjahúsinu, Patreksfirði – 14. mars kl. 17:00
Grunnskólanum Tálknafirði – 14. mars kl. 20:00
Skrímslasetrinu Bíldudal – 15. mars kl. 17:00
Rósubúð, Höfðagötu 9, Hólmavík – 16. mars kl. 17:00

Allir eru velkomnir á námskeiðin, ekki þarf að skrá sig sérstaklega og þátttaka er þeim sem mæta að kostnaðarlausu.