by 
Árlegir jólatónleikar Tónskólans á Hólmavík voru haldnir í vikunni í Hólmavíkurkirkju og var skipt á tvö kvöld að venju vegna fjölda þeirra sem fram koma á tónleikunum. Fréttaritari strandir.saudfjarsetur.is var á staðnum með myndavélina en það eru bara myndirnar frá fyrra kvöldinu sem eru birtingarhæfar, en þá spreytti yngri deildin sig. Margir nemendur sýndu góð tilþrif í spili og söng á tónleikunum sem tónlistarkennararnir Bjarni Ómar Haraldsson og Stefanía Sigurgeirsdóttir stjórnuðu af mikilli fagmennsku.
Jólatónleikar í Hólmavíkurkirkju – Ljósm. Jón Jónsson
