by 
Nú kl. 01:15 hafa orðið breytingar á fylgi flokkanna í Norðvesturkjördæmi, en nú er búið að telja 30,5% atkvæða eða 6647 atkvæði. Sjálfstæðismenn hafa nú 3 þingmenn kjördæmakjörna, Samfylkingin 2 og Framsókn, Vinstri grænir og Frjálslyndir 1 hver flokkur. Uppbótarþingmaðurinn núna er Herdís Sæmundardóttir (B) sem yrði þá annar þingmaður Framsóknarflokks í kjördæminu. Röðin á kjördæmakjörnu mönnunum er þessi: Sturla Böðvarsson (D), Guðbjartur Hannesson (S), Magnús Stefánsson (B), Einar K. Guðfinnsson (D), Jón Bjarnason (V), Karl V. Matthíasson (S), Guðjón Arnar Kristjánsson (F) og Einar Oddur Kristjánsson (D). Ríkisstjórnarflokkarnir eru komnir með meirihlutafylgi eða 32 menn.
