by 
Erlendir ferðamenn á húsbílum hafa verið nokkuð áberandi á Hólmavík undanfarnar tvær vikur og gista gjarnan frekar í bílum sínum á opnum svæðum í kauptúninu en á tjaldsvæðinu þar sem er að finna fyrirmyndaraðstöðu. Undanfarnar nætur hafa undantekningarlaust verið húsbílar hér og þar í þorpinu. Liðna nótt gisti enginn á tjaldsvæðinu en aftur á móti var að finna húsbíla nánast í bakgörðum íbúanna. Það hefur verið vinsælt meðal ferðamannanna að leggja við höfnina og við Galdrasýninguna í stað þess að nýta þá aðstöðu sem er fyrir hendi. Tíðindamaður strandir.saudfjarsetur.is smellti myndum af tjaldsvæðinu og víðar um þorpið í gærkvöldi.
Slæm nýting á tjaldsvæðinu á Hólmavík
Næturgestir hreiðra um sig víðast hvar annarsstaðar
