Framlög Jöfnunarsjóðs 2006

Jöfnunarsjóður sveitarfélaga hefur birt lista yfir framlög sín í nokkrum flokkum til sveitarfélaga á árinu 2006. Strandabyggð fær mest af sveitarfélögunum á Ströndum í þessum flokkum eða samtals rúmar 67, milljónir, en sveitarfélagið kemur fram sem Hólmavíkurhreppur og Broddaneshreppur í töflunum hér að neðan. Jöfnunarsjóðir styður sveitarfélög á mörgum öðrum sviðum, s.s. til reksturs grunnskóla, vegna nýbúafræðslu, vegna sérþarfa fatlaðra nemenda, til húsaleigubóta, vegna vatnsveitna á lögbýlum og vegna fjárhagserfiðleika eða sameiningar sveitarfélaga svo dæmi séu nefnd.

Framlög til útgjaldajöfnunar:

Stór hluti framlags Jöfnunarsjóðs til sveitarfélaga er til útgjaldajöfnunar. Sveitarfélögin fá framlög vegna ákveðinna þátta sem eru erfiðir í rekstri eins og t.d. framlög til skólaaksturs í dreifbýli sem jöfnunarsjóður borgar að mestu leyti, vegna fjarlægða innan sveitarfélags til að þjónusta sé sambærileg til íbúa óháð búsetu innan þess, vegna fækkunar ibúa, íbúafjölda og snjómoksturs í þéttbýlisstöðum. Ekkert sveitarfélag á Ströndum fær framlag úr sérstökum flokki sem miðast við að fleiri en eitt þéttbýli sé í sveitarfélaginu.

Framlög til tekjujöfnunar sveitarfélaga miðast við útsvarsgreiðslur frá íbúum í hverju sveitarfélagi árið áður. Þau sveitarfélög fá framlög sem fá greitt lægra útsvar af tekjuskatti en önnur af sambærilegri stærðargráðu, væntanlega vegna þess að á þeirra svæði tíðkast lægri laun en í svipuðum sveitarfélögum.

 700 milljóna aukaframlag til Jöfnunarsjóðs sveitarfélaga 2006

Að tillögu tekjustofnanefndar greiðist árlega sérstakt 700 milljón króna aukaframlag til Jöfnunarsjóðs sveitarfélaga á árunum 2006-2008. Því er ætlað að jafna aðstöðumun sveitarfélaga sem talin eru í mestri þörf fyrir viðbótarframlag vegna þróunar í rekstrarumhverfi þeirra og erfiðra ytri aðstæðna.

Ákveðið var að árið 2006 yrði helmingur þessarar greiðslu nýttur í framlag vegna íbúafækkunar á árunum 2001-2005. Hinn helmingurinn kemur til sveitarfélaga þar sem hlutfallsleg hækkun útsvarsstofns milli áranna 2000 og 2005 er lægri en hlutfallsleg hækkun ársmeðaltals launavísitölu á sama tíma.

Þessi framlög koma þannig aðeins ef staðan hefur versnað í sveitarfélögum síðustu ár. Sveitarfélag fær aðeins sinn hluta af þessari aukagreiðslu ef heimild þess til útsvarsálagningar fyrir tekjuárið 2006 er fullnýtt af sveitarstjórn eða 13,03%, sem gæti verið ástæðan fyrir að Bæjarhreppur fær ekki framlag.

Framlög til jöfnunar á tekjutapi sveitarfélaga vegna lækkunar tekna af fasteignaskatti:

Ákveðin hluti framlaga Jöfnunarsjóðs til sveitarfélaganna er hugsaður til að mæta tekjutapi sveitarfélaga í kjölfar breytinga á álagningarstofni fasteignaskatts frá því 2001.