573 á kjörskrá á Ströndum

Hagstofa Íslands og Þjóðskrá hafa birt tölur um fjölda kjósenda í komandi kosningum um sameiningu sveitarfélaga. 573 manns eru á kjörskrá í hreppunum fimm sem teljast til Stranda. Þar af eru 74 í Bæjarhreppi, en þar verður kosið um hvort hreppurinn skuli sameinast Húnaþingi vestra. Ef eitthvað er að marka könnunina sem verið hefur hér á strandir.saudfjarsetur.is undanfarna daga, virðast litlar líkur til þess að Strandamenn samþykki sameininguna, ef frá eru taldir íbúar Broddaneshrepps. Gjalda skal varhuga við því að taka of mikið mark á vefkönnunum, þær eru til gamans gerðar. Hér að neðan er hægt að sjá kynjaskiptingu kjósenda á Ströndum ásamt niðurstöðunni í könnuninni.