by 
Keppni í Formúlu 1 kappakstrinum hefst um helgina í Ástralíu. Vefurinn strandir.saudfjarsetur.is hefur undanfarin ár staðið fyrir leik í tengslum við Formúluna, þar sem þeir sem taka þátt í liðstjórakeppni á www.formula.is geta skráð sig í deildirnar strandir.saudfjarsetur.is eða strandir.saudfjarsetur.is2 eftir að þeir hafa stofnað keppnislið. Strandamenn hafa náð góðum árangri í þessum leik á netinu. Á síðasta ári fóru t.d. um 15 Strandamenn saman á formúlukeppni í Hochenheim í Þýskalandi og margir þeirra fengu ferðina frítt þar sem deildin strandir.saudfjarsetur.is vann sveitakeppni í liðstjóraleiknum á www.formula.is árið áður, auk þess sem Jón Gísli Jónsson vann einstaklingskeppnina.
Allir Strandamenn nær og fjær mega taka þátt í deildunum á vegum strandir.saudfjarsetur.is í tengslum við leikinn, en veglegur bikar er í verðlaun. Arnar S. Jónsson er nú handhafi hans.
